दीपिका पादुकोण करणार ऑस्कर रिप्रेझेंट, विवेक अग...
अभिनेत्री दीपिका पादुकोणची ऑस्कर 2023 च्या प्रस्तुतकर्त्यांपैकी एक म्हणून निवड झाली आहे. यासंदर्भात चित्रपट निर्माते विवेक रंजन अग्निहोत्री यांनी आपली प्रतिक्रिया व्यक्त केली आहे.
नुकतीच बॉलिवूडमधून एक चांगली बातमी आली आहे की अभिनेत्री दीपिका पादुकोणची आगामी ऑस्कर पुरस्कार 2023 मध्ये सादरकर्त्यांपैकी एक म्हणून निवड झाली आहे. या आनंदाच्या बातमीवर चित्रपट निर्माते विवेक अग्निहोत्री यांनी आपली प्रतिक्रिया व्यक्त केली आहे. अकादमीने यंदाचा ऑस्कर पुरस्कार सादर करणाऱ्या सादरकर्त्यांची यादी जाहीर केली आहे. ड्वेन जॉन्सन, एमिली ब्लंट, मायकेल बी जॉर्डन आणि सॅम्युअल एल जॅक्सन यांच्या नावांसह दीपिकाचे नावही या यादीत आहे.
रिझ अहमद, ट्रॉय कोत्सूर, ग्लेन क्लोज, जेनिफर कोनेली, मेलिसा मॅककार्थी, झो सालडाना, डॉनी येन, जोनाथन मेजर्स आणि क्वेस्टलव्ह यांनाही या वर्षासाठी सादरकर्ते निवडण्यात आले आहे. 95 वा अकादमी पुरस्कार यावर्षी 12 मार्च रोजी लॉस एंजेलिसमधील डॉल्बी थिएटरमध्ये आयोजित करण्यात आला आहे.
ही बातमी व्हायरल झाल्यानंतर, चित्रपट निर्माते विवेक अग्निहोत्री यांनी ट्विटरवर एक ट्विट केले, “#TheKashmirFiles सह अमेरिकेतील माझ्या प्रवासादरम्यान आणि अमेरिकन लोकांकडून मिळालेल्या उत्स्फूर्त प्रतिसादादरम्यान, मी म्हटले होते की प्रत्येकाला भारताकडे जायचे आहे. भारत आता जगातील सर्वात आकर्षक, सुरक्षित आणि वाढणारी बाजारपेठ आहे. हे आहे भारतीय चित्रपटसृष्टीचे वर्ष! #शुभ दिवस
चित्रपट निर्माते विवेक अग्निहोत्री यांनी यापूर्वी दोनदा दीपिका पादुकोणवर टीका केली आहे. दिल्लीतील जेएनयू कॅम्पसमध्ये गेल्याबद्दल विवेकने दीपिकाला खडेबोल सुनावले होते.
तसेच दीपिकाच्या ‘बेशरम रंग..’ गाण्यावरून झालेल्या वादावरही विवेक यांनी आपली प्रतिक्रिया मांडली होती. विवेकने ‘बेशरम रंग..’ गाण्यावर टीका करणारा एक फॅन व्हिडिओ पोस्ट केला आणि लिहिले, “चेतावणी… बॉलिवूडविरुद्ध व्हिडिओ. तुम्ही ‘सेक्युलर’ असाल तर बघू नका.