लॉन्च इव्हेंटला उर्फी जावेदने अर्जून कपूरसोबत द...
उर्फी जावेद हे फॅशन इंडस्ट्रीतील एक मोठे नाव बनत आहे. अलीकडेच फॅशन डिझायनर गौरव गुप्ताच्या स्टोअर लाँच पार्टीमध्ये उर्फी जावेद दिसली होती. या पार्टीत उर्फी अर्जुन कपूरसोबत दिसली. अभिनेत्याला पाहताच उर्फीने दिलेली सोशल मीडियावर व्हायरल होऊ लागली आहे.
उर्फी जावेद आपल्या विचित्र फॅशन सेन्ससाठी लोकप्रिय आहे, ती दरवेळी काहीतरी वेगळे करुन सोशल मीडियाच्या चर्चेत येण्याचा प्रयत्न करते. अलीकडेच उर्फी जावेदने फॅशन डिझायनर गौरव गुप्ताच्या स्टोअर लाँच पार्टीला हजेरी लावली. दरवर्षीप्रमाणे यावेळीही गौरव गुप्ताच्या लाँच पार्टीत उर्फीने तिच्या स्टायलिश लूकने आणि मस्त स्टाईलने सर्वांना आश्चर्यचकित केले.
उर्फीने पार्टीसाठी स्ट्रॅपलेस सिल्व्हर ब्रॅलेट आणि लो-वेस्ट धोती-स्टाइल लॉन्ग स्कर्ट घातला होता. अभिनेत्रीने तिच्या लूकला हाय हील्स, नेकलेस आणि मोकळ्या केसांनी पूर्ण केले. ग्लॉसी मेकअपमध्ये उर्फी खूपच सुंदर दिसत होती.
या इव्हेंट पार्टीत उर्फीने अर्जुन कपूरची भेट घेतली. पार्टीत सहभागी झालेला अर्जुन कपूर जेव्हा पापाराझींसाठी पोज देत होता, तेव्हा उर्फी जावेद तिथून जात होती. उर्फीला पाहताच अर्जुनने तिला थांबवले आणि हस्तांदोलन केले. उर्फीला अर्जुन कपूरने विचारले होते, “तुला हरकत आहे का?” यावर अर्जुन कपूरने उत्तर दिले, “नाही, नक्कीच नाही!” आणि उर्फी आणि अर्जुनने एकत्र पापाराझीसाठी पोज दिल्या. यादरम्यान उर्फी लाजताना दिसली. तिचा चेहरा लालबुंद झाला होता. आणि चेहऱ्यावर आनंद स्पष्ट दिसत होता.
सोशल मीडियावर व्हायरल झालेल्या या व्हिडिओवर चाहत्यांनी भरभरून प्रेमाचा वर्षाव केला आहे. कोणीतरी लिहिले की ती खरोखर गोंडस दिसत आहे. एका चाहत्याने लिहिले की, “अर्जुनसोबत छान दिसत आहे”.