करिश्मा कपूरचा पती संजय कपूरने हनिमूनच्या रात्र...

करिश्मा कपूरचा पती संजय कपूरने हनिमूनच्या रात्रीच अभिनेत्रीचा केला होता सौदा (Throwback: Karishma Kapoor Revealed That On Her Honeymoon, Her Husband’s Friend Auctioned Her)

कपूर घराण्याची राजकन्या करिश्मा कपूरचे वैवाहिक जीवन खूप वेदनादायी होते. हनिमूनपासूनच करिश्मा कपूरच्या आयुष्यात अशा गोष्टी घडू लागल्या, ज्याची तिने कल्पनाही केली नव्हती. घटस्फोटानंतर बऱ्याच काळानंतर जेव्हा करिश्मा कपूरने आपल्या वैवाहिक आयुष्याचा खुलासा केला तेव्हा अनेक वेदनादायक गोष्टी समोर आल्या. करिश्मा कपूरचा पती संजय कपूर याने हनिमूनलाच तिचा सौदा केला होता, तिला आपल्या मित्रासोबत झोपायला लावले होते.

करिश्मा कपूर आपल्या वैवाहिक आयुष्यात कधीच खूश नव्हती. लग्नानंतर अवघ्या काही दिवसांतच तिच्या आयुष्याला एक भयानक वळण लागल्याचं समोर आलं. करिश्मा कपूरने 2003 मध्ये दिल्लीचा बिझनेसमन संजय कपूरसोबत लग्न केले होते. याआधी करिश्मा कपूरने अभिषेक बच्चनसोबत साखरपुडा केला होता, पण नंतर तो रद्द झाला आणि करिश्माने संजय कपूरसोबत लग्न केले. लग्नानंतर करिश्मा कपूरला खूप त्रास सहन करावा लागला, ती घरगुती हिंसाचाराची शिकार बनली, मुलांसाठी तिने आपल्या वैवाहिक जीवनात सर्व काही सहन केले, पण संजय कपूरमध्ये काही सुधारणा न झाल्याने २०१६ मध्ये करिश्माने संजय कपूरला घटस्फोट दिला. घटस्फोटाच्या वेळी करिश्माने यामागचे कारण कोणालाच सांगितले नव्हते, मात्र घटस्फोटानंतर बऱ्याच दिवसांनी जेव्हा करिश्मा कपूरने आपल्या वैवाहिक आयुष्याचा पर्दाफाश केला तेव्हा अनेक गोष्टी समोर आल्या.

करिश्मा कपूरने सांगितले की, संजय कपूर प्रत्येक लहान-मोठ्या गोष्टीवर तिच्याशी भांडत असे. संजय कपूरने करिश्मा कपूरचा शारीरिक आणि मानसिक छळ केला. एकदा प्रकरण इतके वाढले की करिश्माने संजयविरोधात एफआयआर दाखल केली. करिश्माने सांगितले की, संजय दिल्लीतील लोकांवर इमंप्रेशन पाडण्यासाठी माझा ट्रॉफीसारखा वापर करत असे. एका यशस्वी अभिनेत्रीशी लग्न करून आपणही प्रसिद्ध होऊ, असे संजय कपूरला वाटत होते. करिश्मा कपूर रोजच्या भांडण आणि मारहाणीला कंटाळली होती, तिला संजय कपूरपासून वेगळे व्हायचे होते, पण समायरा आणि कियान या दोन मुलांचे संगोपन करण्यासाठी तिने सर्व काही सहन केले. करिश्मा कपूरने आपले वैवाहिक जीवन वाचवण्यासाठी शक्य ते सर्व प्रयत्न केले, परंतु जेव्हा तिला त्रास सहन होत नव्हता तेव्हा तिने घटस्फोट घेण्याचा निर्णय घेतला. घटस्फोटानंतर, करिश्मा कपूर आता एकटीने आपल्या दोन मुलांचे संगोपन करत आहे. तिचा माजी पती संजय कपूरने प्रिया सचदेवशी लग्न केले आहे.

करिश्मा कपूरने 90 च्या दशकात ‘प्रेम कैदी’ या चित्रपटाद्वारे आपल्या करीअरची सुरुवात केली, तिचा पहिला चित्रपट बॉक्स ऑफिसवर सुपरहिट ठरला. यानंतर करिश्मा कपूरने जीत, पशु, हिरो नंबर 1, जुडवा, दिल तो पागल है, बीबी नंबर 1, राजा हिंदुस्तानी, कुली नं. वन, राजा बाबू यांसारख्या अनेक सुपरहिट चित्रपटांमध्ये काम केले. लग्नानंतर करिश्मा चित्रपटांपासून दुरावली. सध्या ती मुलांचे संगोपन करण्यात व्यस्त असून आई म्हणून जबाबदारी पार पाडत आहे.

करिश्मा कपूरच्या कुटुंबात म्हणजे कपूर कुटुंबात मुली आणि सुनांना चित्रपटात काम करण्याची परवानगी नव्हती, त्यामुळेच कपूर कुटुंबातील सुनांनी लग्नानंतर चित्रपटात काम केले नाही. करिश्मा कपूरला चित्रपटांमध्ये काम करायचे होते, त्यासाठी तिला कौटुंबिक विरोधाला सामोरे जावे लागले, पण करिश्माने आपले स्वप्न साकार केले आणि आपल्या अभिनयाच्या जोरावर बॉलिवूडमध्ये एक वेगळी ओळख निर्माण केली. करिश्मा कपूर ही ९० च्या दशकातील सुपरहिट अभिनेत्रींपैकी एक आहे.