उर्फीने स्वतःचे कपडे स्वतःच डिझाइन का करते या ग...
अभिनेत्री आणि मॉडेल उर्फी जावेद तिच्या असामान्य फॅशन आणि विचित्र कपड्यांमुळे सोशल मीडियावर नेहमीच चर्चेत असते. या फॅशन आणि स्टाइलसाठी तिला प्रचंड ट्रोल देखील केले जाते, तरीही उर्फीमध्ये काहीही फरक पडत नाही. विशेष म्हणजे उर्फी तिचे विचित्र आणि अर्ध-नग्न कपडे कोणा डिझायनरकडून तयार करत नाही तर ते ती स्वतः डिझाइन करते. अलीकडेच उर्फीने तिला असेल अतरंगी कपडे बनवायला का मजबूर व्हावे लागते याचा खुलासा केला.
उर्फी जावेदने अलीकडेच ग्लॅमर इंडस्ट्रीतील प्रसिद्ध फॅशन डिझायनर अबू जानी-संदीप खोसला यांचे फोटोशूट केले, या शूटची एक झलक उर्फीने आपल्या सोशल मीडिया अकाउंटवरून शेअर केली आहे. सोशल मीडियावर शेअर केलेल्या फोटोमध्ये उर्फी गोल्डन ड्रेसमध्ये दिसत आहे आणि कॅप्शनमध्ये तिने डिझायनर अबू जानी आणि संदीप खोसला यांचेही कौतुक केले आहे.
यासोबतच उर्फीने तिला स्वतःचे कपडे का डिझाईन करावे लागतात ते सांगितले. आपला फोटो पोस्ट करत उर्फीने कॅप्शनमध्ये लिहिले – अबू जानी आणि संदीप खोसला यांनी डिझाइन केलेला ड्रेस परिधान करून मी रोमांचित झाले आहे. हे लोक आपापल्या क्षेत्राचे मास्टर आहेत. मी कोण आहे हे स्वीकारून त्यांनी मला आणखी सशक्त बनवण्यास मदत केली.
उर्फीने पुढे सांगितले की, कोणताही डिझायनर मला ड्रेस द्यायचा नाही किंवा माझ्यासाठी ड्रेस डिझाइन करायला तयार व्हायचा नाही, म्हणून मी स्वतःचा ड्रेस स्वतः बनवायला सुरुवात केली. दुसरीकडे अबू जानी आणि संदीप खोसला यांनीही तिचे काही फोटो शेअर करत उर्फीचे कौतुक केले आहे.
उर्फी जावेदचा हा ड्रेस पाहिल्यानंतर ट्रोलर्स पुन्हा तिच्या पाठी लागले आहेत. उर्फीच्या पोस्टवर कमेंट करत एका यूजरने लिहिले की- अरे देवा! मी काय पाहतोय तू ठीक आहेस ना उर्फी दीदी? मला तुझी खूप काळजी वाटते. त्याचवेळी आणखी एका युजरने लिहिले की- अरे देवा! आज एवढं मोठं कापड कुणी दिलं, ही आज आगीसारखी फिरत आहे, तर एकाने लिहिलंय- आज जास्त कपडे घातलेत असं वाटत नाही का.
उर्फी जावेदच्या प्रोफेशनल आयुष्याबद्दल बोलायचे झाले तर ती ‘बडे भैया की दुल्हनिया’, ‘जीजी माँ’ सारख्या मालिकांमध्ये दिसली होती. याशिवाय ती ‘बिग बॉस ओटीटी’ मध्येही सहभागी झाली होती. तिला या रिअॅलिटी शोमधून खूप लोकप्रियता मिळाली. उर्फी जावेद लवकरच रोहित शेट्टीच्या ‘खतरों के खिलाडी’ च्या सीझन 13 मध्ये दिसणार असल्याचे सांगितले जात आहे.