तारक मेहता फेम दिलीप जोशींचा जीव धोक्यात असल्या...
तारक मेहता का उल्टा चष्मा या टीव्ही शोमध्ये जेठालालची भूमिका साकारणाऱ्या दिलीप जोशी यांना जीवे मारण्याची धमकी मिळाल्याची बातमी काही दिवसांपूर्वी सोशल मीडियावर व्हायरल होत होती. आता या बातमीवर जेठालाल उर्फ दिलीप जोशी यांनी आपली प्रतिक्रिया दिली आहे.
तारक मेहता का उल्टा चष्मा या कॉमेडी टीव्ही शोमधील जेठालाल उर्फ दिलीप जोशी यांना जिवे मारण्याच्या धमक्या आल्या आहेत ही बातमी सोशल मीडियावर बऱ्याच दिवसांपासून चर्चेत होती. मात्र आता या बातमीवर आपली प्रतिक्रिया देत दिलीप जोशी यांनी हे वृत्त फेटाळून लावले आहे.
प्रसारमाध्यमांकडून मिळालेल्या बातम्यांमध्ये असा दावा करण्यात आला आहे की, एका अज्ञात व्यक्तीने पोलिसांना फोन करून सांगितले की, तारक मेहता का उल्टा चष्मामध्ये जेठालालची भूमिका साकारणाऱ्या दिलीप जोशी यांच्या घराला 25 लोकांनी घेराव घातला आहे. पोलीस पथक या बातमीचा तपास करत असल्याचेही वृत्तात म्हटले होते.
हिंदुस्तान टाइम्सशी बोलताना दिलीप जोशी म्हणाले – ही बातमी खोटी आहे. असे काही घडले नाही. ही बातमी कोठून, केव्हा आणि कशी सुरू झाली हे मला माहीत नाही. दोन दिवसांपासून ही बातमी फिरत आहे, ही बातमी ऐकून मला धक्काच बसला.
ज्याने ही चुकीची बातमी पसरवली आहे त्याला शुभेच्छा असेही अभिनेत्याने म्हटले आहे. माझ्या तब्येतीची चौकशी करण्यासाठी मला खूप लोकांचे फोन आले.. माझे जुने मित्र आणि दूरच्या नातेवाईकांनी माझी प्रकृती विचारण्यासाठी फोन केला.
1 फेब्रुवारी रोजी एका अज्ञात व्यक्तीने नागपूर नियंत्रण कक्षाला फोन करुन अभिनेता दिलीप जोशी यांच्या घराबाहेर शस्त्रे आणि बंदुकांसह 25 लोक उपस्थित आहेत आणि त्यांच्या जीवाला धोका आहे अशी माहिती दिली होती.