बुंदी खीर (New Kheer Delite)

बुंदी खीर (New Kheer Delite)

बुंदी खीर (New Kheer Delite)
साहित्य : 1 कप गोड बुंदी, अर्धा लीटर दूध, 2 टेबलस्पून काजू-बदाम पूड, 1 टेबलस्पून वेलची पूड, 3 टेबलस्पून दुधाची पूड, 4 टेबलस्पून कंडेन्स्ड मिल्क.
कृती : सर्वप्रथम जाड बुडाच्या पातेल्यात दूध गरम करत ठेवा. मंद आचेवर दूध आटून अर्ध होईपर्यंत उकळवा. आता त्यात 1 टेबलस्पून सुकामेव्याची पूड, दुधाची पूड आणि कंडेन्स्ड मिल्क घालून 3 मिनिटं उकळवा. मिश्रण सतत ढवळत राहा. नंतर त्यात वेलची पूड घालून ढवळा. बुंदीमध्ये उर्वरित सुकामेव्याची पूड घालून, त्यात बुंदी व्यवस्थित घोळवून घ्या. ही बुंदी दुधाच्या मिश्रणात घालून एक उकळी काढा आणि आच बंद करा. बुंदीची खीर गरमागरम किंवा थंड करून गारेगार सर्व्ह करा.
टीप :
*    बुंदी सुकामेव्याच्या पुडीमध्ये घोळूनच दुधाच्या मिश्रणात सोडा, अन्यथा बुंदीचा गोळा होण्याची शक्यता असते.
*    उर्वरित बुंदीच्या लाडूपासूनही ही खीर बनवता येईल.

तांदळाची खीर (Sweet Rice Kheer)