तांदळाच्या कुरकुरीत पुऱ्या ...

तांदळाच्या कुरकुरीत पुऱ्या (Tandalachya kurkurit purya)

साहित्यः १ कप तांदळाचं पीठ, २-३ टेबलस्पून मैदा, २ टेबलस्पून तेल, १ टीस्पून कसुरी मेथी, अर्धा टीस्पून जिरं, अर्धा टीस्पून लाल मिरची पावडर, चवीनुसार मीठ, तळण्यासाठी तेल.

कृतीः सर्वप्रथम तांदळाचं पीठ मळून घ्यायचं. त्यासाठी एका भांड्या मध्ये १ कप पाणी गरम करत ठेवा. त्यात जिरं, १ टेबलस्पून तेल आणि चवीनुसार मीठ घालून भांड्यावर झाकण ठेवून ते उकळू द्या. पाणी उकळल्यानंतर गॅस बंद करा आणि १ कप तांदळाचं पीठ त्यात घाला. ते पीठ पाण्यात चांगलं ढवळा आणि झाकण लावून ५मिनिटं ठेवा. पाच मिनिटांनंतर पीठ थोडंसं फुगलेलं दिसेल. आता त्यात कसुरी मेथी, लाल मिरची पावडर आणि तेल घालून चांगलं मळून घ्या. नंतर तयार पीठाचे पुरीसाठी गोळे बनवा.पुरी लाटून घ्या आणि कढईमध्ये तेल गरम करून मध्यम आचेवर पुरी तळून घ्या. तांदळाचं पीठ लवकर सुकतं तेव्हा पीठ गरम असतानाच पुऱ्या लाटा. तयार पुऱ्या गरमगरमच खा. चहासोबत वा टोमॅटो सॉससोबतही खाता येतात.