सोनू निगम धक्काबुक्की प्रकरणावर मिका सिंगनेही स...

सोनू निगम धक्काबुक्की प्रकरणावर मिका सिंगनेही सांगितली आपली व्यथा, म्हणाला उत्तर भारतात तर मला 10 बॉ़डीगार्ड लागतात (Mika Singh Addresses Sonu Nigam’s Selfie Scuffle, Says- He Has Minimum 10 Bodyguards For North India Shows)

By Rajendra . in मनोरंजन

बॉलिवूड चित्रपटांमध्ये अनेक सुपरहिट गाणी गाणारा पंजाबी गायक मिका सिंगने गायक सोनू निगमसोबत झालेल्या धक्काबुक्कीच्या घटनेवर प्रतिक्रिया दिली आहे. सोनू निगमसोबत घडलेल्या या घटनेने मिका सिंगला खूप धक्का बसला आहे.

काही दिवसांपूर्वी गायक सोनू निगम चेंबूर येथे एका संगीत कार्यक्रमात सहभागी होण्यासाठी मुंबईत आला होता. कार्यक्रमानंतर काही लोकांना गायकासोबत सेल्फी घ्यायचा होता. याच मुद्द्यावरून सोनू निगम आणि त्या लोकांमध्ये बाचाबाची झाली. आता सोनूसोबत झालेल्या धक्काबुक्कीच्या घटनेवर मिका सिंगने आपली प्रतिक्रिया दिली आहे.

पंजाबी गायक मिका सिंगने स्वतःचा आणि सोनू निगमचा एक फोटो ट्विटरवर शेअर केला आहे. ट्विट करताना मिकाने लिहिले- ‘ही अत्यंत दुःखद आणि धक्कादायक घटना आहे. आपला आदरणीय गायक सोनू निगम यांच्यावर हल्ला झाला आणि त्यांच्यावर मुंबईत हा हल्ला झाला. जेव्हा मी उत्तर भारतात शो करतो तेव्हा मी माझ्यासोबत किमान 10 बॉडीगार्ड ठेवतो, पण मुंबईत मी माझ्यासोबत बॉडीगार्ड ठेवत नाही. कारण मुंबई हे भारतातील सर्वात सुंदर आणि सुरक्षित शहर आहे.

मिका सिंगच्या आधी बॉलिवूड गायक शाननेही सोनू निगमसोबतच्या सेल्फीवरून झालेल्या भांडणाच्या घटनेवर आपली प्रतिक्रिया दिली होती. इन्स्टाग्रामवर पोस्ट करत शानने लिहिले – या घटनेने मला खूप धक्का बसला, मी निराश झालो… आणि हे सर्व मुंबईत घडले. कायदा – सुव्यवस्था आणि सुरक्षिततेसाठी प्रसिद्ध असलेले मुंबई शहर. एक सहकारी कलाकार, एक चाहता, गायक समाजाचा एक भाग म्हणून या घटनेवर कारवाई व्हावी अशी माझी अपेक्षा आहे.