लग्नानंतर कतरिना कैफचे घरगु...

लग्नानंतर कतरिना कैफचे घरगुती फोटो : दाखवतेय् ५ लाखांचं मंगळसूत्र (Katrina Kaif shares first pics from her new home, flaunts mangalsutra in latest Instagram post)

बॉलीवूडचे सर्वात लाडके आणि आवडते जोडपे विकी कौशल आणि कतरिना कैफ हे त्यांच्या लग्नापासूनच चर्चेत आहेत. 9 डिसेंबर रोजी दोघांनी राजस्थानमधील सिक्स सेन्स फोर्ट भारवाडा येथे सात फेरे घेतले. तेव्हापासून सोशल मीडियावर त्याचे फोटो आणि व्हिडिओंचा बोलबाला आहे. नवविवाहित जोडप्याची एक झलक पाहण्यासाठी त्यांचे चाहते नेहमीच आतुर असतात.

ख्रिसमस-नवीन वर्षात एकमेकांसोबत सुंदर छायाचित्रे पोस्ट करण्यापासून ते विक्की कौशलला विमानतळावर सोडण्यापर्यंत, पापाराझी या जोडप्याला कॅमेऱ्यात कैद करण्यासाठी आतुर आहेत आणि चाहतेही या फोटोंच्या व्हिडिओंवर प्रेमाचा वर्षाव करतात.

लग्नानंतर कतरिनाने कधी हाताने बनवलेल्या हलव्याचे, तर कधी हातातील मेंदीचे फोटो पोस्ट करून चाहत्यांना तिच्या वैयक्तिक आयुष्याची झलकही दिली आहे. पण आता कतरिना कैफने तिचे काही लेटेस्ट फोटो शेअर केले आहेत, जे सोशल मीडियावर खूप व्हायरल होत आहेत.

लग्नानंतर कतरिना कैफने पहिल्यांदाच तिचा फोटो शेअर केला आहे ज्यामध्ये ती घरात दिसत आहे. कदाचित याच कारणामुळे तिला लग्नानंतर पहिल्यांदाच पाहून चाहते वेडे झाले आहेत आणि तिच्या या फोटोंनाही चाहत्यांकडून भरभरून प्रेम मिळत आहे. हे फोटो कतरिनाने तिच्या इंस्टाग्राम पेजवर शेअर केले आहेत.

या फोटोंमध्ये कतरिनाने ब्राउन ओव्हरसाईज स्वेटर आणि डेनिम शॉर्ट्स परिधान केले असून सोफ्यावर ती बोल्ड स्टाइलमध्ये पोज देताना दिसत आहे. खुल्या केसांमध्ये आणि कॅज्युअल मेकअपमध्ये ही अभिनेत्री इतकी सुंदर दिसत आहे की चाहत्यांच्या नजरा तिच्यापासून हटत नाहीत.

या फोटोंमध्ये कतरिनाही तिच्या गळ्यात हिऱ्याचे मंगळसूत्र चढवताना दिसत आहे. चाहते कमेंट करून तिच्या लुक आणि मंगळसूत्राचे कौतुक करत आहेत. काही तासांतच कतरिनाच्या या पोस्टला लाखो लाईक्स मिळाले असून तिचे हे फोटो मोठ्या प्रमाणावर व्हायरल होत आहेत.

कतरिना कैफच्या या हिऱ्याच्या मंगळसूत्राची किंमत ५ लाख रुपये आहे. तिच्या लग्नाच्या दागिन्यांप्रमाणे, तिचे मंगळसूत्र देखील प्रसिद्ध फॅशन डिझायनर सब्यसाची यांनी डिझाइन केले आहे आणि ते कतरिनाने सब्यसांचीच्या बंगाल टायगर संग्रहातून निवडले आहे.

लग्नानंतर विकी कौशल सध्या आपल्या चित्रपटाच्या शूटिंगसाठी इंदूरमध्ये आहे. कतरिनासोबत नवीन वर्ष साजरे करण्यासाठी शूटिंगमधून ब्रेक घेऊन विकी खास मुंबईत आला, त्यानंतर कतरिना विक्कीला विमानतळावर ड्रॉप करण्यासाठी आली. कतरिना आणि विकीचा हा व्हिडिओ सोशल मीडियावर चांगलाच व्हायरल झाला आहे.