गर्लफ्रेंड सबा आझादसाठी हृतिक रोशनची पहिली पोस्...

गर्लफ्रेंड सबा आझादसाठी हृतिक रोशनची पहिली पोस्ट… (Hrithik Roshan Shares First Post Of Rumoured Girlfriend Saba Azad…)

बॉलिवूड अभिनेता हृतिक रोशन मागच्या काही दिवसांपासून सबा आझादसोबतच्या त्याच्या नात्यामुळे बराच चर्चेत आहे. हृतिकचं नाव अभिनेत्री सबा आझादसोबत जोडलं जात आहे. काही दिवसांपूर्वीच हे दोघं डिनर डेटनंतर एकमेकांच्या हातात हात घालून हॉटेलमधून बाहेर पडत असताना कॅमेऱ्यात कैद झाले होते. त्यानंतर या दोघांच्या नात्याच्या चर्चां सोशल मीडियावर होऊ लागल्या होत्या. एवढंच नाही तर काही दिवसांपूर्वीच सबा हृतिकच्या घरी कुटुंबीयांसोबत लंचसाठी गेलेलीही पाहायला मिळाली.

हृतिक रोशन आणि सबा आझाद यांच्या फॅमिली लंचनंतर हे दोघंही एकमेकांना डेट करत असल्याचं बोललं जाऊ लागलं आहे. अशात आता हृतिकनं सबासाठी लिहिलेली इन्स्टाग्राम पोस्ट सोशल मीडियावर व्हायरल होताना दिसत आहे. हृतिकनं त्याच्या इन्स्टाग्राम स्टोरीवर सबा आझाद आणि तिचा एक्स बॉयफ्रेंड इमाद शाह यांचं एक पोस्टर शेअर केलं आहे.

हृतिकनं त्याच्या इन्स्टाग्राम स्टोरीवर शेअर केलेलं हे पोस्टर सबा आणि इमाद यांचा बॅन्ड ‘मॅडबॉय- मिंक’चं पोस्टर आहे. हा एक इलेक्ट्रो-फंक बॅन्ड आहे आणि या बॅन्डसोबत सबा आणि इमाद पुण्यात परफॉर्ममन्स करणार आहेत. हा फोटो शेअर करताना त्यांना चिअर अप करताना हृतिकनं लिहिलं, ‘किल इट यू गाइज.’ हृतिक आणि सबा यांच्या नात्याच्या चर्चांना सुरुवात झाल्यानंतर हृतिकनं पहिल्यांदाच सबासाठी अशाप्रकारची पोस्ट लिहिली आहे. हृतिकच्या या पोस्टला सबाने ब्रँडच्या इंस्टा स्टोरीवर रिपोस्ट करून थँक्स लिहिले आहे.

हृतिक रोशनच्या कामाबद्दल बोलायचं तर तो आगामी काळात ‘विक्रम वेधा’ या चित्रपटातून प्रेक्षकांच्या भेटीला येणार आहे. याशिवाय तो दीपिका पादुकोणसोबत ‘फायटर’मध्येही दिसणार आहे. या चित्रपटाच्या निमित्तानं दीपिका आणि हृतिक मोठ्या पडद्यावर पहिल्यांदाच एकत्र स्क्रिन शेअर करताना दिसणार आहेत. तर सबा आझाद अलिकडेच प्रदर्शित झालेल्या ‘रॉकेट बॉइज’ वेब सीरिजमध्ये दिसली होती.