क्रिकेटपटू हार्दिक पंड्यावर...

क्रिकेटपटू हार्दिक पंड्यावर बलात्काराचा आरोप : ड्रग्ज् घेऊन कृत्य केल्याची तक्रार (Cricketer Hardik Pandya Accused Of Raping Woman : Complaint Filed With Police)

अतिशय जालीम अंमली पदार्थ ढोसून क्रिकेटपटू हार्दिक पंड्याने आपल्यावर बलात्कार केल्याचा आरोप एका महिलेने केला आहे. हार्दिकसह क्रिकेट जगतातील मंडळींनी आपल्याला मारहाण केली व अनैसर्गिक लैंगिक संबंध करण्यास भाग पाडले, अशी या महिलेने तक्रार केली आहे.

सदर महिला, कुविख्यात दाऊद इब्राहिम याचा एके काळी जवळचा साथीदार असलेल्या, गुन्हेगारी प्रवृत्तीच्या इसमाची पत्नी आहे. या महिलेने आपला नवरा रियाज भाटीने आपल्यास वेश्याव्यवसायात ढकलले आणि उच्चभ्रु व्यक्तींना मोहजालात अडकविण्यास भाग पाडले, असेही सांगितले आहे.

हार्दिकसह माजी क्रिकेटपटू मुनाफ पटेल, इंडियन प्रिमियर लीगचे माजी अध्यक्ष व काँग्रेसचे नेते राजीव शुक्ला तसेच उद्योगपती पृथ्वीराज कोठारी यांची नावे देखील सदर महिलेने तक्रारीत टाकली आहेत. हे तिघे जण आपल्याला नेहमीच गाठत असत आणि अनेक वेळा अपमानित करून लैंगिक अत्याचार केल्याचा तिने आरोप केला आहे. या लोकांनी आपल्याला नग्नावस्थेत नाचविले आणि निसटण्याचा प्रयत्न करताच मारहाण केली, असं ती म्हणते.

मुंबई येथील सांताक्रुझ पोलीस स्थानकात या सर्व लोकांविरुद्ध तक्रार नोंदवण्यात आली असून, त्याची सत्यता पडताळून पाहिल्यानंतरच या व्यक्तींविरुद्ध कारवाई करता येईल, असे पोलिसांचे म्हणणे आहे.