कथेची मागणी असल्याचे सांगून...

कथेची मागणी असल्याचे सांगून टॉपलेस झालेल्या अभिनेत्री (Bollywood Actresses Who Went Topless On Screen)

राधिका आपटे – बोल्ड आणि बिनधास्त वर्तणूकीसाठी ही अभिनेत्री ओळखली जाते. पडद्यावरदेखील बोल्ड सीन देताना ती अजिबात कचरत नाही. ‘पार्च्ड’ या चित्रपटात तिच्या कामुक दृश्यांची खूपच चर्चा झाली होती. त्यामध्ये ती जवळपास निर्वस्त्र झाली होती.

दीपा साही – ‘माया’ या चित्रपटात माया मेमसाब दीपा साहीने चांगलेच बोल्ड सीन दिले होते. शाहरूख खान सोबत तिचा एक बेड सीन होता, त्यामध्ये ती नग्न दिसली होती.

नंदना सेन – ‘रंग रसिया’ या चित्रपटात नंदनाने रणदीप हुडासोबत बरेच बोल्ड सीन रंगविले होते. त्याच्यामुळे ती चर्चेत राहिली.

शिल्पा शुक्ला – ‘बी. ए. पास’ या चित्रपटाने बोल्ड दृश्यांच्या सर्व मर्यादा ओलांडल्या होत्या. त्यामध्ये भाग घेतलेल्या शिल्पा शुक्लाच्या जवळपास सर्वच नग्न दृश्यांची प्रशंसा झाली होती.

इंदिरा वर्मा – ‘कामसूत्र’ या चित्रपटामध्ये इंदिरा वर्माची कामुक दृश्ये सगळ्यांनी पाहिली. इतकी कामुक दृश्ये यापूर्वी कधी रुपेरी पडद्यावर दिसली नव्हती. या चित्रपटातील काही छायाचित्रे इथे दाखवता यायची नाहीत.

झीनत अमान – झीनत अमानचे रंगरूप अतिशय सेक्सी होते. तिच्या जमान्यात बोल्ड अभिनेत्री म्हणूनच ती गणली गेली होती. ‘सत्यम्‌ शिवम्‌ सुंदरम्‌’ या चित्रपटात तिने खूपच देहप्रदर्शन केले होते.

मंदाकिनी – ‘राम तेरी गंगा मैली’ या चित्रपटात मंदाकिनीने प्रेक्षकांसाठी जे अंगप्रदर्शन केलं, ते त्या काळात फारच बोल्ड आणि बिनधास्त होतं. धबधब्याखाली आंघोळीच्या दृश्यातील पारदर्शक साडी नेसणे असो की, मुलाला स्तनपान करण्याचे दृश्य असो; मंदाकिनीने ही दृश्ये मनमोकळेपणाने दिली.

सोनाली राऊत – मंदाकिनीच्या पावलांवर पाऊल टाकत सोनालीने ‘द एक्सपोज’ नावाच्या चित्रपटात तशीच दृश्ये दिली. तिनं घातलेल्या पारदर्शक कपड्यांमधून सर्व काही आरपार दिसलं होतं.

बार्बरा मोरी – ‘काईट्‌स’ या चित्रपटात बार्बरा मोरीने हृतिक रोशनबरोबर दिलेल्या दृश्यात ती अतिशय बोल्ड वागली होती. असं म्हटलं जातं की, या चित्रपटानंतर हृतिक व बार्बरा यांची जवळीक इतकी वाढली की, त्याच्या वैवाहिक जीवनात परेशानी आली.

करीना कपूर – ‘कुरबान’ या चित्रपटात करीना कपूरने, सैफ अली खान बरोबर टॉपलेस होऊन जे दृश्य दिले, ते चांगलेच चर्चेत राहिले.

नेहा धुपिया – ‘ज्यूली’ या चित्रपटात नेहा धुपिया ज्या टॉपलेस अवस्थेत पोस्टर्सवर झळकली होती, त्या बोल्ड अवताराने, तिने लोकांचे लक्ष वेधून घेतले.

सनी लिओनी – टॉपलेस आणि बोल्ड इमेजची वर्णने चालली असताना सनी लिओनीचा उल्लेख कसा बरं टाळता येईल? ती ज्या विश्वातून बॉलिवूडमध्ये आली तिथे ती निर्वस्त्र वावरली होती. ती हिंदी सिनेमात आली. अन्‌ ‘जिस्म २’ या चित्रपटातून सनीने ज्या पद्धतीने अंगप्रदर्शन केले, त्याची गरमागरम चर्चा झालीच होती.

रेखा – रुपवती अभिनेत्री रेखा आपल्या बोल्ड अवतारामुळे देखील चर्चेत असते. ‘उत्सव’ या चित्रपटात तिनं शेखर सुमनबरोबर न्हाणीघरात आंघोळीचं दृश्य दिलं होतं. त्याची बरीच चर्चा झाली. या चित्रपटानंतर रेखा व शेखर सुमन यांच्या प्रेमाची चर्चा होत राहिली. ‘आस्था’ या चित्रपटात तसेच अक्षयकुमार बरोबर रेखाने बऱ्यापैकी बोल्ड सीन दिले होते.

वरील अभिनेत्रींशिवाय पूनम पांडे, बिपाशा बसू, जॅकलीन व अन्य काही अभिनेत्रींनी आपले बोल्ड रूप दाखविले आहे. इतकंच काय पण, आलिया व श्रद्धा यांनी फोटोशूट्‌समध्ये बिनदिक्कत अंगप्रदर्शन केले आहे.