बिल गेट्स जेव्हा सुपरफूड खिचडीला तडका देतात; पा...
भाजपच्या नेत्या स्मृती इराणी यांनी त्यांच्या ट्विटर अकाउंटवरून एक व्हिडिओ शेअर केला आहे. या व्हिडिओमध्ये मायक्रोसॉफ्टचे संस्थापक बिल गेट्स जे स्वतः एक कोट्याधीश आहेत ते खिचडीला तडका देताना दिसत आहेत.
या व्हिडिओत स्मृती इराणी या गेट्स यांना मदत करताना दिसत आहेत. यानंतर अगदी देसी पध्दतीने गेट्स तडका देतात आणि त्यानंतर त्या खिचडीची चव देखील चाखताना दिसत आहेत.
मायक्रोसॉफ्टचे सहसंस्थापक बिल गेट्स केंद्रीय मंत्री स्मृती इराणी यांच्यासोबत पोषणाद्वारे सक्षमीकरण (Empowerment through the Nourishment) या मोहिमेत सामील झाले. याच संदर्भातील स्मृती इराणी यांनी शेअर केलेल्या व्हिडिओमध्ये गेट्स खिचडीला तडका देताना दिसत आहेत. स्मृती इराणी म्हणाल्या, “भारतातील सुपर फूड आणि त्यातील पोषक घटक ओळखा.. जेव्हा बिल गेट्स श्री अन्न खिचडीला फोडणी देतात!”
इराणी यांच्या या पोस्टला नेटकऱ्यांची चांगलीच पसंती मिळत आहे. या ट्वीटला ६हजार पेक्षा जास्त लाईक्स मिळाले आहेत. लोक गेट्स यांच्या प्रयत्नांची प्रशंसा करत आहेत.
तर काही वापरकर्त्यांनी स्मृती इराणी यांच्यावर नुकतेच वाढलेल्या सिलेंडरच्या किंमतीवरून टीका देखील केली आहे. तडका मारण्यासाठी चूल पेटवणे तुमच्या सरकारने महाग केलं आहे. तुम्हाला त्यामुळे काही फरक तर पडत नसेल. असेही देश पेटवणाऱ्या लोकांचा चूल पेटवण्याशी काय संबंध अशी कमेंट सर्वेश मिश्रा या नेटकऱ्याने केली आहे