बिगबॉस ओटीटी विनर दिव्या अग्रवालने अनुराग कश्यप...
बिग बॉस ओटीटी विजेती दिव्या अग्रवाल पुन्हा एकदा चर्चेत आली आहे. तिने इन्स्टाग्रामवर एक व्हिडिओ शेअर केला आहे. तिने अनुराग कश्यपच्या नावाने एक खुले पत्र पोस्ट केले आहे. त्यातून तिने अनुरागकडे काम मागितले आहे. तिची ही पोस्ट वेगाने व्हायरल होत आहे.
नुकताच दिव्या अग्रवालने आपल्या अधिकृत इन्स्टाग्राम हँडलवर एक व्हिडिओ शेअर केला. या व्हिडिओमध्ये ती म्हणतेय, “अनुराग कश्यप सर, हे माझे तुम्हाला खुले पत्र आहे. बघा, मला इंडस्ट्रीत १५ वर्षे झाली आहेत. बरेच काम झाले आहे आणि अजूनही बरेच काम केले जात आहे. मला इमारतीवरून उडी मारण्यासारख्या, भांडणाच्या आणि रिअॅलिटी शोच्या ऑफर येत आहेत. त्यात काही नुकसान नाही, पण मला जे मनापासून आवडते तेच करायचे आहे. मी तुला पहिल्यांदा पृथ्वी थिएटर्समध्ये एका कार्यशाळेत पाहिले होते आणि तेव्हापासून मला तुमच्यासोबत काम करण्याची इच्छा होती.
दिव्या पुढे म्हणाली, “माझ्या सोशल मीडियाचा पुरेपूर फायदा घेऊन मी तुम्हाला हे खुले पत्र देत आहे. मी असे म्हणत नाही की तुम्ही याबदली मला वेब शो किंवा चित्रपट द्या. फक्त मला सांगा ऑडिशन कशी द्यायची.. कारण 15 वर्षे काम करूनही ते मला माहित नाही.
आजपर्यंत योग्य व्यक्ती माझ्यापर्यंत पोहोचू शकली नाही त्यामुळे मला याबद्दल काहीच माहिती नाही. तुम्ही मला फक्त ऑडिशनसाठी सांगा, मग त्या एका दिवसात 10, 20 किंवा 50 असो, मला फरक पडत नाही. मला खूप काम मिळत आहे पण मला हे नको आहे, मला तुम्ही जसे काम करता तसे हवे आहे. हे खुले पत्र आहे, मी स्पष्टवक्ती आहे आणि तसे करण्यात मला कोणतीही लाज वाटत नाही.
हा व्हिडिओ शेअर करत अभिनेत्रीने लिहिले की, मला काम मागायला लाज वाटत नाही. या अभिनेत्रीच्या व्हिडिओवर युजर्स सतत प्रतिक्रिया देत आहेत. तर काहीजण अभिनेत्रीच्या या धाडसाचे कौतुक करत आहेत आणि समर्थन करत आहेत. काही वापरकर्त्यांनी तिला ट्रोल करण्यास सुरुवात केली आहे एका युजरने लिहिले की, ‘ही भीक मागण्याची पद्धत आहे’, तर दुसऱ्या युजरने तदिला ओव्हर अॅक्टिंगचे दुकान म्हटले आहे. आणखी एकाने लिहिले की, अनुराग कश्यपने हिला चित्रपटात घेतले तर लोक त्याचे चित्रपट पाहणे बंद करतील.